انا اللي خد مني الزمن
وساب ضلوعي مكسره
بدفع لوحدي فـ 100 تمن
ودموع فـ قلبي منوره
اصبحت عايش تحت خوف
راسم حياتي بـ مسطره
تايه وخايف بين وشوش
مش قادر احدد فين انا
حياتي مالها مبهدله
كل البيبان متقفله
ميلت ناوي زرع خير
ف ارض مش ارضي انا
حضن الفراق لو كان بيوجع
مش هيكسر حضنها
كل الكلام لو كان بيرجع
مش هيرجع حبها
مشيت لها ، طريق مضلم
وكنت خايف يوم تسيب
جوه مني ، جرح علم
"تحت تأثير النصيب"
صاحبي شافني كنت ماسك
حاجه من ريحه الحبايب
راح سألني مره واحده
قولي مين بس اللي غايب
قولي مين سابك لوحدك
لسه شايفك كنت وحدك
كان معاك اتنين صحاب
بنت واقفه معاها واحد
وانت عنيك مليانه عياط
قومت ماشي
جريت وراك
قلبي حاسس كان معاك
قولي مالك اي حصلك
قولي بس اي جرالك
سكت فجأه وقمت قايل
هحكي بس بدون نقاش
" عارف اكيد متر القماش"
كان بيحضن روحي جدا
كان بيطبطب دون جمايل
صاحبي داس عليا برضو
لما شفني مره مايل
كنت اعيط واحدي لكن
كنت بضحك من مافيش
كنت ميت عادي جدا
بس كنت اتمني اعيش
رجلي داست غصب عني
ع العلامه بتاع زمان
كنت دافن حب عمري
ذكري غاليه فـ المكان
كنت سامع مره امي
كات بتدعي من سكات
"الله يفتحلك يابني"
"الف باب مـ البيبان"
لسه قايم وشي فجري
كنت باخد حزني واجري
ف اي شغل ادوس عليه
لسه شايل فوق كتافي
حمل عيشه من الظروف
كنت بتألم واعيط
كان طريقي كله خوف
كنت بترجا فـ ساعاتي
لو تأخر يوم ميعاد
كنت شايف يوم وفاتي
خانه من طرف البعاد
اكتشفت بس النهارده
اني ميت من زماااان
واني بتعذب فـ اخره
وان انا ماليش مكان
#نادر_عدلي
#قصيدة_حضن_الفراق
#محافظه_الفيوم
#مبادره_سفراء_الكتابه_لدعم_المواهب